Þórsmörk

Skellti mér í Þórsmörk með nemendafélaginu síðustu helgi, brjálað stuð og djamm og drykkja í um 17 klst samfleytt. Kjaftasögurnar voru ansi margar eftir ferðina enda fullt af skemmtilegum og óskemmtilegum hlutum sem gerðust. Ég byrjaði nú á því að renna í bleytunni hjá Seljalandsfossi á leiðinni með tvær myndavélar í höndunum og stóran mexíkanahatt, tognaði eitthvað í lærinu við það og komst þ.a.l. ekki á klifurnámskeiðið sem ég ætlaði á á sunnudaginn. Um nóttina skelltu sér allir í pottinn eftir að hafa borðað ótrúlega góða hamborgara en fáir gerðu sér grein fyrir því að það væri komið frost og voru ófáir sem runnu á bossan eða andlitið við pottinn. Helmingurinn er svo með sár á olbogum eftir hrjúfan, steyptan pottinn sem við gjörsamlega tróðum okkur í og lágum eins og ormar í gryfju og rifumst um mesta dýpið enda vibba kalt. Samt var svo ógeðsleg gaman, mikið spjallað, mikið sungið og mikið drukkið.
Ekkert sofið enda vorum við í kojum í tveimur skálum og þar sem ég var heyrðust þvílíkar hrotuþrumur og tal úr svefni. Auk þess vorum við 3 saman í einni koju og ansi heitt og þröngt og því ekki kjöraðstæður fyrir Óla Lokbrá. En ég svaf eins og engill í rútunni alla leiðina heim.

Ótrúlega mögnuð ferð og þakka ég samferðafólki mínu fyrir geggjaða skemmtun.


Fullt af fullu fólki að syngja í kojunni minni.


Lúðarnir, ég og Einar formaður.


Ég við Seljalandsfoss, rétt áður en ég datt.

Minney, Bylgja og ég úti í kuldanum.

Storkuberg er svalt.

Síðasta helgi var alveg hreint mögnuð. Fórum í Storkubergsferðalag með skólanum, gildir 20% í áfanganum. Þetta var alger snilld. Gengum inn þó nokkur gil og fleira og skoðuðum hin ýmsu berg í brjálæðislegri náttúrufegurð. Kvöldin fóru svo í bjórdrykkju og Trivial eða brjálað danspartý með breikkeppnum og ormakennslu. Allir fóru svo sælir en drullu þreyttir, jafnvel þunnir heim með fulla bakpoka af grjóti (við erum svo svöl). Hérna á eftir koma einhverjar myndir en mun fleiri myndir eru á Jarnörda síðunni.

Felt í Skipanesi

Fórum í Skipanes á fimmtudaginn fyrir viku til að gera snið að setlögunum þar. Ákvað að skella inn nokkrum glæsilegum myndum af okkur jarnördum prílandi í 40° halla. Þetta var ógeðslega gaman og auðvitað lærdómsríkt þó svo við höfum eytt mestum tíma í að reyna að klifra upp í eðjunni og svo runnum við alltaf bara alla leið niður aftur. En okkur tókst að klára þetta, bara ein skráma, aumur bossi og grútskítugir fingur.

Þá er ég farin þaðan...

Já elskurnar, brjálað að gera hjá mér! Er a flytja af hinni skemmtilegu Skúlagötu hálfa leiðina til Keflavíkur, til Pedda frænda. ÉG mun að öllum líkindum sakna staðsetningarinnar heilmikið en ég mun ekki sakna eins mikið nýju íbúanna en þær eru litlar ljótar og silfurlitaðar.

Ég hata að flytja, pakka niður, pakka upp, 55 ferðir á Sorpu í góða hirðinn og Rauða krossinn og samt á maður fullt af dóti. Hvaðan kemur allt þetta drasl? Óþolandi. Og hvaða bjáni fann upp geymsluna??? Maður á ekkert að eiga geymslu! Til hvers, geyma drasl sem maður notar ekki? Allt í lagi að hafa einn skáp m jólaskrauti og snjóþotu en af hverju þurfum við að fylla marga marga fermetra af dóti sem maður notar ekki? Geymslur eru skrítin fyrirbæri. Byrjuðu sennilega sem lítið búr til að geyma mat en svo er ekki lengur.

Við þurfum að skila íbúðinni af okkur 1. Okt en ég er að fara í Storkubergsferðalag næstu helgi svo ég ætla að flytja bara á morgunn, reyna að flytja á morgunn þ.e. Hlakka til að vera búin að þessum hrylling...gubb..

Hringferð

Nú er vinnan í Laugalandi búin og ég í fríi! Ég skellti mér því með Marín hringinn í kringum landið takk fyrir. Það var ógeðslega gaman. Fengum jeppan hennar mömmu lánaðan og hún fékk auðvitað Tóta minn lánaðan á meðan.

Ferðin tók 8 sólahringa og var alveg mögnuð. Við dóum reyndar næstum úr kulda fyrstu 2 næturnar okkar þar sem við vorum staddar á vestfjörðum í ekki svo góðu veðri en svo á föstudegi um verslunarmannahelgina bauð hún Hanna Rósa okkur gistingu á loftinu hjá sér á Ísafirði! Takk fyrir það! sem betur fer þó því tjaldið okkar lak um nóttina enda vibba veður. En á Ísafirði djömmuðum við með Minney og svo einhverju öðru tjaldliði og skellti ég mér svo í partý hjá einhverjum ísfirðingum.

Við fengum svo gistingu hjá henni Báru okkar líka og svo á gólfinu á hárgreiðslu stofu vinkonu mömmu á Akureyri, en dýnan okkar sprakk um það leiti. Við djömmuðum vel á Akureyri enda ennþá verslunarmannhelgin, sunnudagurinn. Eina nóttina sváfum við svo í Ásbyrgi í bílnum þar sem tjaldið var ógeðslegt og svo hjá ömmu Marínar á Vopnafirði. Á Vopnafirði fór afi hennar Marínar með okkur inn í Fagradal þar sem við tókum góða göngu í skriðum meðfram Búri og skoðuðum steingerð tré og fleira skemmtilegt.

Þetta var geggjuð ferð fyrir utan svefnvesen. Við sáum ótrúlega margt skemmtó. Það þarf ekki að tala um vestfirðina, magnaðir! Svo kíktum við auðvitað á þessa dæmigerðu ferðamanna staði, Ásbyrgi, Dimmuborgir, Goðafoss, Mývatn, Námaskarð, Dynjanda, Jökulsárlón, svartafoss og margt fleira. Keyrðum einnig Tjörnesið, ákváðum að taka forskot á það fyrir Tjörnesferð næsta árs. Sváfum svo síðustu nóttina í Skaftafelli og brunuðum svo heim þaðan. Slepptum suðurlandinu enda nýbúnar að grandskoða það í 5 daga suðurlandsferð með Jar 1A.

Mögnuð ferð í alla staði! Hlakka til að fara aftur á næsta ári og skoða allt sem ég ekki náði að skoða, sem var alveg ótrúlega mikið að mér fannst.
Takk fyrir yndislega viku Marín mín.
Einnig vil ég þakka þeim sem hýstu okkur og björguðu þar með heilsu okkar, þá sérstaklega Marínar sem var farin að ganga með pappír fastan í nös vegna nefrennslis.
Og auðvitað vil ég þakka mömmu fyrir að skipta um bíla! Hefðum ekki komist allt sem við fórum á bílnum mínum, vestfirðirnir hefði sennilega ekki verið eins skemmtilegir.

Til hammó með ammó Selur!
Selma hélt upp á afmælið sitt í gær. Hún byrjaði á að fara í hvalaskoðun en ég var að vinna og komst því miður ekki, svo var grillveisla hjá mömmu hennar og brilleruðum við í teyjutvist, hlustuðum á lag Nachos, Naggur McNuggets sem var algert æði. Um kvöldið var svo partý á ellefunni, svaka djamm og stuð, æðislegt kvöld en var samt komin heim skikkalegum tíma. Marín brjálæðingur mætti aðeins of seint í afmælið þar sem hún ákvað að skella sér á 1 stk. húðflúr á Grand Rock. Geggjað flott hjá litla rebelnum en hún teiknaði það sjálf.

Á þriðjudaginn byrjar svo sumarvinnan í Laugarlandi fyrir alvöru, mætum austur kl. 09:00 eldhress og kát, farin að hlakka svaðalega til. Þetta mun þó vera mun minni vinna í fyrra þar sem við vinnum bara í 3 daga og förum svo í frí í 3 daga. Það verður svo bara gert eitthvað skemmtó og ævintýró í fríunum.

Over and out.
Annas

Jarnörd

Halló halló ég er enn á lífi!

Ég hef bara haft svo mikið að gera síðustu mánuði og auk þess er ég bara ekki með netið heima. Ég er bara búin að vera á fullu að jarðfræðinördast, bæði í skólanum og annarstaðar. Ég bloggaði reyndar rosalega langa færslu í mars eftir að við jar nördarnir fórum í sumarbústað á Arnarstapa en færslan barasta hvarf þegar ég reyndi að skella inn myndunum! Fórum svo í 5 daga ferð um suðurlandið í maí, strax eftir prófin sem hluti af jar 2A námskeiðinu, brjálað stuð allan tíman og ég var að koma úr smá road trip með Marín sem við skelltum okkur í um helgina. Heimsóttum m.a. Báru og fórum í dágóða göngu með henni og bauð hún okkur svo uppá heitt kakó og vöfflur. Þar sem við gleymdum nú tjaldinu heima þá ákváðum við að skella okkur til mömmu, keyrðum yfir Laxárdalsheiðina úr Hrútafirðinum og komum aðeins við í Stykkishólmi. Gistum svo hjá mömmu í nótt og gengum uppá Búlandshöfðatind(507m) í dag. Ég er búin að vera að passa voffan hans frænda hana Hófí og drógum við hana með okkur um allt enda hefur hún jafn mikinn áhuga og við á steinum.

Ferlega hressandi helgi, mæli með þessu!

Við Bára að berja í hraunið

Marín í bílnum að þurrka sokkana sína

Séð frá toppi Búlandshöfða

Hófí á toppnum, ég bakvið hana að senda sms enda ekkert samband á leiðinni upp

Myndirnar eru eign Marínar Óskar þar sem mínar myndir eru enn í myndavélinni.

Spáníá

Komin heim úr æðislegri ferð til Spánar. Við mamma heimsóttum systu, Viðar og Maríu og fórum svo öll upp í fjöll í um 2-3 klst frá Barcelona (við Pýreneafjöllin), leigðum okkur æðislega íbúð með arni á spænskum bæ og fórum á skíði og bretti, æðislegt útsýni og stutt í bjórinn.
María átti svo afmæli þegar ég var úti og héldum við æðislega veislu með svakalegum kræsingum. Alveg yndislegt.
Á heimleiðinni lentum við samt í svakalegum hremmingum þegar vélin okkar gat ekki lent á Stansted í London vegna óveðurs og flugmaðurinn reif vélina á fullu upp í loft aftur og tilkynnti okkur að hann gæti ekki lent á Stansted og þyrfti að reyna að lenda á Gatwick (hvernig sem þetta er nú skrifað), fólk var ælandi og vælandi og yfirflugfreyjan grét einnig, ég hinsvegar sat alveg stíf af hræðslu og verkjaði í alla vöðva (fékk meira að segja harðsperrur). Þegar við svo lentum var okkur komið fyrir í rútu sem átti að fara á Standsted og átti að taka 2 klst. En við vorum í rúma 7 klst í rútunni þar sem það var búið að loka 2 hraðbrautum og lestakerfið lá niðri vegna rafmagnsleysiss vegna óveðursins. Þegar við komum svo loksins á flugvöllinn þá vorum við löngu búin að missa af fluginu okkar heim og öll hótel í london uppbókuð! Fengum samt inn á mótel við þjóðveginn sem indæll leigubílstjóri reddaði okkur og komums heim með fyrsta flugi daginn eftir. Hef aldrei verið jafn ánægð með að komast heim til Íslands. hehe..

Sólasamba og Fjallatangó

Nú er maður barasta staddur i Barcelona, búin að vera í nokkra daga í Torrevieja, versla og loks heimsækja systu og fjölskyldu. Við förum svo á morgunn upp að Pýreneafjöllum þar sem við erum búin að leigja hús og ætlum að kíkja á bretti/skíði. Við mamma gáfum Maríu litlu skíði í afmælisgjöf, alveg ótrúlega lítil skíði (67cm) og er hún búin að vera að trampa um á skíðaskónum um allt í dag. Svo erum við bara búin að liggja í ótrúlega góðum kræsingum, ákváðum að halda auka jól saman og gerðum það í gær, svo nú er eiginlega jóladagur. Keyptum fleiri jólagjafir fyrir okkur og alles.
Æðislega gaman!

Bið að heilsa!

p.s. Svanhvít, er Villi Villti hress?

Jóla jóla jólapróf

Sit sveitt við að læra jarðfræði, jarðfræði og aftur jarðfræði. Enn netlaus. Skellti mér vestur í gærmorgunn til að læra í rólegheitum hjá mömmu. Mætti kl. 08:00 upp á umferðarmiðstöð og spurði hvort rútan færi ekki kl. 8:30 og konan sagði bara: ,,Nei hún fer kl. 17:30´´. Ég settist þá uppí bílinn minn og ók bara, frekar hægt vegna frosts, snjós og dimmu. En hér er ég komin og vonast nú bara til að komast aftur heim í prófin.

Lær, lær, lær.

Kavepenin

Óójaaá. Erum enn netlausar í nýju íbúðinni. Þessvegna hafa bloggskrif verið í algeru lágmarki hjá mér. En það er annars ekkert mikið að frétta, maður bara vinnur og vinnur og lærir og lærir og lærir enda próf á næsta leiti.

Ég var svo heppin að hafa fengið heiftalega hálsbólgu í síðustu viku, blæddi heilmikið meira að segja, sennilega einhverja gerð streptakokka (hvernig svo sem það er skrifað). Læknirinn fékk vægt sjokk þegar hann skoðaði mig og gaf mér góðan slatta af sýklalyfjum ekki einhverjar mg töflur heldur 1 gramma töflur og það 3 á dag í 10 daga. Hef aldrei fengið svona mikið. Gaman að því.

Jæja ég kannski skrifa eitthvað að viti, eitthvað áhugaverðara seinna, ég þarf að fara að vinna úr´þáttökuathugun sem ég gerði á ónefndu kaffihúsi í miðbænum í gær, en ég var svo heppin að í miðjum njósnum um gesti og gangandi komu frægir menn inn og munu þeir eiga nokkrar línur í úrvinnslunni minni og gæti það kannski kætt kennarann minn við lestur verkefnisins. Það er alltaf gott að geta kætt þá sem ákveða einkunnir manns.

Bless

Kalt imbadrasl

Jæja pæja.

Ég er ekki enn komin með netið..ohh..
Sit núna í hléi í skólanum uppá kosningamiðstöð hjá Stellu. Er að fara í safnheimsókn á náttúrugripasafnið á eftir, fín tilbreyting frá því að brjóta heilan um einhverja kristalla.
Undanfarið er ég búin að vera obboslega þreytt, pirruð og leið. Held að það sé vegna kuldans og síþreytu minnar. Mér er alltaf kalt og ég skil ekki hvernig ég get lifað á þessu kalda landi, það er alveg að fara með mig. Þarf að komast til útlanda. Mig langar í heimsókn til systu, er farin að sakna hennar og Maríu minnar og svo er ég alltaf þreytt. ég reyni að borða vel, taka þörunga og vítamín en ekkert gengur, ég er bara endalaust þreytt. Ég gekk meira að segja svo langt að vakna á hverjum morgni til að elda mér hafragraut og borðaði ég Spelt hrökkbrauð með osti með. Er farin að borða/drekka fleiri ávexti og minnka súkkulaðiát mitt, en allt kemur fyrir ekki. verð bara þreyttari og þreyttari.

Ég er í tveimur mjög áhguaverðum og skemmtilegum áföngum í skólanum, jar 1a og jar 1b og svo er ég í aðferðum 1. Það sökkar. Hef aldrei upplifað jafn leiðilegan ,,kúrs''. Ég hef staðið mig að því í hverjum tíma að dotta/sofna og er það frekar vandræðalegt en ég kenni bæði síþreytunni og námsefninu um. Vona að þörungarnir sem ég keypti í fyrradag fari að virka, þá get ég kannski haldið mér vakandi smá stund.

Eb til að vera ekki bara neikvæð og leiðileg þá ætla ég að segja ykkur að ég er alveg ólýsanlega ánægð með nýju íbúðina. Hún er frábær í alla staði. Er meira að segja farin að fíla græna málningaflögugólfið á baðherberginu og dududududud hljóðið í vinnuvélunum í nágrenninu. Ég er ekki einu sinni hrædd við innbyggða skápinn minn, hann er gamall og flottur en ég hélt alltaf að ég yrði hrædd um að skrímsli kæmu út úr honum, hann hefur akkúrat þetta skrímslayfirbragð á sér.

Og Já. við erum ekki með sjónvarp, þvílík sæla með það. Sjónvarpsefni í dag er óhollt drasl. Fór til ömmu að horfa á sjónvarpið um daginn og ég var bara alveg lens... Vó, það er bara drasl á drasl ofan í þessum imbakassa. Ég mæli allavegana með sjónvarpsleysi. Þú hefur allt í einu miklu meiri tíma á höndum þér og þú sleppur við heilaþvott bandaríkjamanna og annað gubbandi leiðilegt sjónvarpsefni.

Sjáumst.

Bless, bless Kópa-VOGUR

ÚBBALÚBBA. Nýjustu fréttirnar hjá okkur vinkonum í Kópavoginum eru þær að við ætlum að yfirgefa Kópavoginn! Ójá. við erum barasta búnar að finna okkur fínustu íbúð í 101 Rvk. Ætlum að gerast miðbæjarrottur, spara okkur leigubílapening um helgar, hjóla í skólann, kíkja í kaffi og sjónvarpsgláp hjá Helgu, röllta niður á tjörn og gefa öndunum brauð (þ.e.a.s. þegar við höfum efni á brauði) og auðvitað éta upp kaffihús bæjarins. Hmmm...já..Það er nýtt og spennandi líf framundan hjá okkur stöllum.

Við fengum þessa sniðugu hugmynd á mánudaginn í síðustu viku og vorum komnar með íbúð á föstudeginum. Miðað við það sem maður hefur heyrt: ,,hundrað manns um hverja íbúð í 101, ómannlegt verð o.s.frv,´´ þá bjóst ég við nokkurra mánaða leit en allt kom fyrir ekki og við flytjum laugadaginn 30. september. Svo hverjir þeir sem vilja aðstoða okkur við það endilega gefi sig fram. Það er nú komin góður hópur af skemmtilegu fólki sem ætlar að hjálpa okkur og það verður all-svakalegt flutninga-fjör. Auðvitað munum við bjóða uppá eitthvað gott að drekka, til að svala þorsta þreyttra ,,flytjara.´´

Hi David

Mig er alltaf að dreyma David Bowie.

Hvað ætli það þýði?


- að ég sé að verða fræg og við eigum eftir að vera vinir?

Stanev

Ég fór í Mjóddina um daginn og gekk næstum því á ljósastaur.
Ég vissi ekki einu sinni að það væru ljósastaurar í Mjóddinni.

Við Selma skelltu okkur á tónleika í Salnum Kópavogi á fimmtudag með búlgarska píanóleikaranum Vesselin Stanev. Það var mjög ljúft og ætlum við að vera fastagestir á tónleikum Salarins í vetur enda margt í boði. Það var samt frekar áberandi hversu lítið var um ungt fólk þarna, synd og skömm að því. En ef einhverjum langar nú að fara með okkur á tónleika þarna látið okkur vita.

Vesselin Stanev

I´m sorry mr. Bishop

Æi. Ég skammast mín smá fyrir ummæli mín um Harold í gær. Ég var að horfa á nágranna þætti síðustu viku í dag og sá þá að Harold á mjög erfitt. Hann er nefnilega mjög sennilega búinn að missa alla fjölskyldu sína í flugslysi og er í mikilli afneitun og er sennilega að fara yfir um og fá taugaáfall. Ohh æ æ æ. Ég meira að segja táraðist við að horfa á þættina. Ferlega sorglegt.
En ég vona bara að Liljana, David og Serena hafi bjargast. Það kemur allt í ljós í næstu viku. Og þangað til þá sendi ég Haroldi ástar og baráttukveðjur. Þið getið svo kíkt á síðuna hans Harold hérna: http://www.geocities.com/benhuxtable/harold.html



Harold er afbragðsgóður túpuleikari.

Good morning mr. Bishop.

Jæja já. Ég er bara alltaf að sjá frægt fólk. Mig grunar að frægt fólk sé farið að vera meira meðal almennings.

Um daginn var ég að borða gulrótarköku og langloku með sósu í Ikea með Súsönnu og Helgu og við sáum þar snæðandi engann annan en Harold Bishop. Við heilsuðum honum auðvitað og spurðum hvernig Lou Carpender hefði það og hann horfði bara á okkur hissa og sagðist bara tala finnsku. Helga sagði:,, hvaða vitleysa. við höfum oft heyrt þig tala ensku enda ertu Ástrali.´´ Gerðist þá Harold bara dónalegur og henti í okkur kjötbollunum sínum og fór í fússi. Ég á erfitt með að skilja slíka hegðun hjá fullorðnum manni. Þetta voru bara hreinir stjörnustælar. Okkur sárnaði vitaskuld þar sem maður sem við höfum þekkt í öll þessi ár hagaði sér svona við okkur. Við Súsanna fengum kökk í hálsin meðan Helga henti sósuboxinu mínu eftir Harold og sagði honum að fara í rassgat. Gott hjá henni.

Í gær sá ég svo hann Gael Garía Bernal eins og ég var búin að segja ykkur og hana Marisu Tomei. Þau voru í fínum fötum og voru að fara á Pravda. Þau þurftu ekki að bíða í röð því þau eru fræg.

Og svona að lokum langar mig að segja ykkur að ég hafi séð Gísla Martein í bíltúr í dag. Hann er líka voðalega frægur. Amma mín og afi vita hver hann er og kalla nagrísinn minn hann Vilhjálm alltaf Gísla Martein.

Díos mío!

´Díos mío! Esto no puedeis creer. No puedo creerlo yo misma!
Ayer vío Gael García Bernal en frente de la discoteca Pravda aquí en Reykjavík! Estuve con la actriz Marissa Tomei que yo también vió por supuesto.
Si crees o no, Gael es más guapo quando le veis en persona.

HÍ.

Í dag byrjaði ég í Landfræði í Háskóla Íslands.
Það er gaman.

Spurning um að hætta bara í skóla og skella sér í fyrirsætu-bransann.


vvvvvvvvaaaaaaaaaaaaahahahahhahahhahhahaha

Ekki svo gott, neeihh ekki svo gott..

Síðan ég man eftir mér hefur það verið mjög vinsælt hjá fjölskyldu minni að borða túnfisksalat og er ég búin að mastera túnfiskssalatgerð. Þegar ég fór til Salamanca þarna um árið þá byrjaði ég á því að kaupa mér ristavél og hráefni í túnfiskssalat. Við stöllur lifðum svo á rotvarnarefnafullu ristabrauði með túnfisksalati í um 6 vikur enda bjó ég til svo ógeðslega gott túnfiskssalat. Það er samt ekkert langt síðan ég uppgötvaði það að mér finnst túnfisksalat ekkert svo gott og hef aldrei fundist, hef bara alltaf haldið að mér fyndist það gott af því að ég hef borðað það síðan ég var lítil og vegna þess að allir segja mér að ég búi til svo rosalega gott túnfisksalat.
Sömu sögu hef ég að segja um tómata. Ég hef borðað tómata alla mína ævi en það var ekki fyrr en fyrir 1 1/2 ári síðan að ég uppgötvaði að mér finndist þetta ekki gott. Ég sat þá á lífrænum veitingastað í Barcelona og var að borða tómmat og hugsaði með mér, góður tómatur. En það var í raun í fyrsta skipti sem mér fannst tómatur góður. Ég kom síðan heim til íslands og hætti að setja tómmata í salötin sem ég var að borða og salötin voru miklu betri.

Og hvað er málið með að segja túnmatur en ekki tómmatur?

SKJÁKAUP.IS

Halló halló!
Vorum að uppgötva undravert sjónvarpsefni. Það er nefnilega undarlega skemmtilegt að horfa á Skjákaup á Omega á daginn. Mæli eindregið með þessum stórskemmtilega þætti sem snýst um það að raða inn með eindæmum afbragðs leikurum sem skella inn ómetanlega skemmtilegri auglýsingu um frábærar og mjög svo tæknilegar vörur. Sennilega beint frá landi sniðugra uppfinninga, Japan. Skjákaup skilur margt eftir sig. Maður þarf líka ekki að fara út úr húsi til að versla sniðugar vörur og þar að auki er þetta ágætis kennslustund í leiklist, þar sem leikur leikara er hreint út sagt frábær og eru þeir góðu leikarar Skjákaupa nú mínar helstu fyrirmyndir.

Mælum með þessum svakalegheitum.

Snobbsílúbbsar og menningarnótt

Menningarnótt!
Það var rosalega gaman í gær, enda menningarnótt.
Ég, Ansjóvsa var edrú
Ég fór á Óperutónleika á Klambratúni með Salmón
Við fórum í göngutúr niður á Laugaveg og kynntumst Hannesi og Margréti.
Við fórum í 10/11 og keyptum rósir og teyju-vatnsbyssu.
Við hittum Nachos og horfðum á flugeldasýningu.
Við hittum svo Nonnabita og co og Salmón gaf honum afmælisgjöf.
Við fórum svo í teiti á Njálsgötu.
..Svo röllti litla Ansjóvsa í bílinn sinn sem tók örrugglega um 30 mín og keyrði heim og skellti sér beint í lúrið.

Úff...er svöööönnngg....

Eeennnn..
Ég er með fordóma gegn frægra/ ríkra manna snobbi.

Mér finnst Café Oliver vera frægra /ríkra manna í fínum fötum snobb staður.

Ég lofaði einu sinni sjálfri mér að fara aldrei inn á Oliver en um helgina plataði Helga mig og það sem verst er, er að mér fannst þetta ekki svo leiðilegur staður.
Það er því mun erfiðara að þola þennan stað ekki núna.

Lífið er bara erfiðara þegar maður þarf að einbeita sér að því að þola ekki eitthvað , það er auðveldara að reyna að þola eitthvað.

Þetta er bara fínn staður með aðeins of ´fínu´fólki, sem ég þoli ekki, fólk sem hugsar um það eitt að eiga tvöfaldan ísskáp úr krómi með klakavél, Hummer, boss jakkaföt og chanel draktir.

Bla bla bla
Aaaaaaaaaaahhhhhhhhhhhhhh...................
Meira ruglið...púff...

Melrós og Beverlí

Undanfarið hefur Skjár1 verið að endursýna Melrose Place og Beverly hills og hefur maður nú alveg kíkt á einn og einn þátt. Um daginn sátum við stúlkurnar og kláptum á þessa þætti og það rann upp fyrir okkur að leikararnir í Beverly hills hafa bara gjörsamlega alls ekki meikað það eftir að þættirnir hættu í denn. Brandon leikur reyndar einhvern feitan miðaldra dúdda í einhverjum þætti og sú sem leikur Brendu lék í Charmed og einhhverjum lélegum myndum, en enginn vill víst leika á móti henni því hún er svo leiðileg og frek. Og svo hefur Luke Perry reyndar leikið í einhverjum myndum.
En svo ef maður pælir í Melrose Place þá eru eigilega allir leikaranir að leika í einhverjum þáttum og/eða myndum núna....2 eru í Desperate houswifes, 1 í beutifaul people, 1 í point pleasant, 1 í Las Vegas, 1 í Accorting to Jim og svo frv.
Furðulegt hvernig svona tveir´þannig séð ,,líkir´´ systraþættir geti alið af sér svo mismunandi leikarahópa.

Verslunarmannahelgin $&##"!!&#$

Þá er aftur komin verslunarmannahelgi. Er það voða gaman?...nei!
Málið er það að um hverja verslunarmannahelgi þá ætla ég að fara að gera eitthvað skemmtilegt eins og skella mér í útilegu en alltaf klikkar það, alltaf! Það endar alltaf þannig að ég sit með sárt ennið á laugardeginum desperate í að finna einhvern til að koma með mér þessa síðustu daga helgarinnar, en allt kemur fyrir ekki og enginn kemur.
Um þessa helgi ætlaði ég að fara með alls 5 vinkonum eitthvað og voru áætlanirnar frá Þjóðhátíð í eyjum til Landmannalaugaveiðiferðar. En hvað gerist...Jú allt klikkar..byrjaði á því að flugið til eyja klikkaði en þá fóru stelpurnar að hætta við ein af annarri.
Mér er farið að kvíða fyrir næstu verslunarmannahelgi. Spurning um að fara bara að plana hana strax.

En helgin var róleg hjá mér...
Matarklúbbsi á föstudag. Það var gaman þá reyndar. Fengum snittur, kjúlla og bakaðar perur með snikkersi og ís. og auðvitað bjór og rauðvínsdrykk.
Við klipptum svo hárið á okkur við Selma..Klipptum á okkur topp og þynntum hárið á selmu.
Það var skemmtilegt.
Laugardagskvöldið fór svo í að reyna að fá einhvern með mér á papaball eða niður í bæ að tjútta en allt kom fyrir ekki og flestir vildu liggja í leti...ég gafst upp um kl 23 og fór og leigði vídjó spólu.
En núna verður gaman..það er sunnudagskvöld og við ætlum nokkrar píjur að fara að dansa af okkur lappirnar og bæta við bjórvömbina.

vona allavegana að það verði brjálað stuð sem bætir upp vonbrigði helgarinnar.

Er að skjótast í fínu fötin...

Ég vil benda ykkur á hina ágætu blogg-síðu Gula miðans. Guli miðinn er hinn ógurlega frægi og sívinsæli matarklúbbur okkar vinkvenna og nú hefur verið sett á laggirnar blogg síða þar sem við hendum inn góðum uppskriftum og skemmtilegum frásögnum ásamt fallegum myndum af okkur klúbbs-stúlkum.

En ég skellti mér annars á Sigurrósar tónleikanna ásamt um 15000 manns í gær og var það bara ógeðslega næs. Fannst mér rosalega næs að sitja í grasinu og horfa á fólkið sem var af öllum stærðum og gerðum og rölltum við svo um svona 4 hringi í kringum svæðið. Það sem mér þótti þó mjög furðulegt var að ég hitti eigilega engan sem ég þekki. Enga af mínum vinum og kunningjum...bara svona 3 hæ kunningja. Hvar voru allir? En allavegana þá fór ég áður en tónleikunum lauk enda var mér kalt og var rosalega svöng. Fór heim til Helgu og mamma hennar bauð mér snúð með súkkulaði og svo skutlaði Helga mér heim...Það sem var nú þó ekki beint toppurinn á kvöldinu er að við fengum símtal um að við hefðum víst misst af rúsínunni í pylsuendanum. Eitthvað svakalegt loka-búmm... og misstum af því....skamm Anna Stella...ég ´mun næst klæða mig betur og taka með mér nesti, ef að það verður eitthvað næst þ.e.a.s.

Jæja en er í fríi núna þannig að ef einhver annar er líka í fríi endilega bjalla í mig, eða bara eftir vinnu.

Sumarfrí

Þá er ég komin í sumarfrí. Laugalandsvinnan bara búin í ár. Mér líður hálf-bjánalega. Veit eigilega ekkert hvað ég á að mér að gera. Fór til mömmu að hjálpa henni að passa Maríu og hef eigilega ekkert gert af viti nema að liggja í leti og passa. Mér líður ekkert allt of vel vegna þessa...það er ekki gott að liggja í leti of lengi, maður verður svo myglaður og ógeðslegur.
En ég er allavegana að koma í bæinn á Laugardaginn og langar mig rosalega að gera eitthvað skemmtilegt, annað en að hanga meira í letikasti. Svo endilega ef þið kæru vinir eruð í stuði til að gera eitthvað voða skemmtó þá hafið samband....veit þó að það er lítið um ykkur...sumir að vinna næturvaktir, aðrir í London og enn aðrir á ferðalagi.

EN munið að ég hef saknað ykkar.
Og ég veit að einhverjir hafa nú saknað mín líka.

Sakna ykkar.

Þá er ég komin í frí næstu tvo daga.. er orðin ansi þreytt og er hvíldarþurfi. Ég var að renna í hlað að austan og ligg hérna upp í sófa með bjór að horfa á rock star supernova og augljóslega að hanga á netinu.
Allavegana dúllurnar mínar, hringið í mig ef ykkur langar að gera eitthvað skemmtilegt með mér. Mig langar að gera eitthvað skemmtilegt með ykkur.
Sakna ykkar.

Kv. Annas

Útilegu rugl..

Vó. Nú veit ég afhverju ég er svona léleg í stærðfræði. Ég kann bara ekki að telja. Við ætlum sem sagt að fara á Laugardag og vera fram á sunnudag!! (ekki föst til lau.)Það verður fullt af skemmtilegu fólki. Brjálað fjör.
sjáumst

Frá föst- lau.

Jæja þá fer að líða að einni stæðstu ferðahelgi ársins. Ég og nokkrar gimbur erum að hugsa um að skella okkur austur og tjalda og fá okkur nokkra áfenga drykki og borða grillaðan mat af einnota grilli keyptu í rúmfatalagernum. Því fleiri því betra. Endilega skellið ykkur með okkur. Verið bara í sambandi við okkur gimburnar, þið vitið hverjar við erum ef þið okkur þekkið.

Annars er ég bara búin að vera að vinna eins og brjálæðingur í sumardvölinni og er bara allt æðislegt þarna. Er ekkert smá ánægð með þetta starf, vissi fyrir að þetta væri skemmtileg vinna en hún er samt skemmtilegri en ég ýmindaði mér.
Ég er sem sagt að vinna fyrir austan og um daginn var ég svo dugleg að skella mér vestur á snæfellsnes til mömmu að passa og er ég ekkert smá stolt af mér fyrir það, var bara í 2 daga fríi!

Heyri vonandi í ykkur.
verðum frá föstudegi til laugadags!

Mér finnst rigningin góð...

Góðan og blessaðan....
ef hann er nú blessaður...
Það er alveg stórkoslega leiðilegt veður úti. Grenjandi rigning (já gott fyrir gróðurinn) og rok og þar að auki er bara ógeðslega dimmt úti, óþolandi. Ég er nefnilega myrkfælin.
Mig langar svo út að gera eitthvað skemmtilegt og sumarlegt, en nei...
Ef ég læt mig hafa það að fara út í þetta veður þá verð ég rennandi sem er svo sem kannski allt í lagi en það er ekki í lagi þegar rennandi blautt hárið slengist fyrir framan augun á mér og límist vegna bleytunnar eins og pappír límist með UHU og maður sér ekkert og þar að auki er ég gleraugnaglámur og vitið þið hvað það er pirrandi að vera gleraugnaglámur í rigningu! Úff það er sko leiðilegt. Það er eins og að keyra bíl í rigningu með engar rúðuþurkur. Maður hreinlega sér ekki rassgat.
Spurning um að klippa af sér hárið og fara í augnaðgerð.

Eða kannski bara fá sér húfu og linsur, en ég er fyrir vestan og hef ekkert ´slíkt með mér. Damn anna stella!

En ekki miskilja mig. Mér finnst rigningin góð.... Mér þykir voðalega gaman að hlaupa í rigningu og einnig finnst mér gaman að fara í gúmmískóna mína og sulla í pollum. Svo getur verið gaman að fara út með umbrelluna sína.
En þegar maður er ekki með réttu hlutina til að fara út í svona veður, þá verður maður bara pirraður.

Keypti mér samt flíspeysu í dag á Blómsturvöllum, gaman að því.

ORKUVEITAN

Núna er ég hætt á leikskólanum og farin í sumarfrí á sambýlinu. Svo í gær þá skaust ég vestur til mömmu og ætla að vera hérna fram yfir helgi í afslöppun enda byrja ég á fullu í vinnu á fimmtudaginn næsta í sumardvölinni.

En í gær þá lá ég uppí sófa og var að horfa á Desperate Houswifes og Lost. Maður getur nefnilega alveg límst við imbann þegar þetta dótarí er í honum. Og þegar ég lá uppí sófanum í gær þá varð ég sko alveg stein hissa! Allt í einu vissi ég ekki hvaðan á mig stóð veðrið! Varð bara alveg lens! Ekki þó vegna þessara furðulegu sjónvarpsþátta sem ég horfði á heldur vegna þess að allt í einu birtist nýja auglýsingin frá Orkuveitunni á skjánum. Og ég varð alveg orðlaus, vissi ekki hvort ég ætti að hlæja eða gráta. Þetta var allavegana stórfurðulegt, þið sjáið það kannski ef þið horfið á sjónvarpið.

En munið krakkar að sjónvarpsgláp er ekki hollt.
Og það er ekki heldur ekki internethangs.
Svo ég ætla að fara að hætta og kannski ég fari að lesa um jörðina okkar.

Herbó

Það hefur sko verið nóg um að vera hjá mér þennan mánuðinn. Óvissuferðir, Útskriftir, Keilumót í prinsessukjólum, afmælisveislur, Eurovision partý ´með Palla, vinnurnar mínar o.sv.frv.

En næsti mánuður verður ekkert síðri. Síðasti dagurinn minn á leikskólanum er á miðvikudaginn og ég er farin að kvíða fyrir, langar ekkert að hætta. Og sumarfríið mitt á sambýlinu byrjar daginn eftir. Þá skelli ég mér vestur að passa maríu, en Svana systir, Viðar og hún koma á þriðjudaginn og fara beint vestur að vinna. Svo byrja ég að vinna í sumardvölinni 8. júní þannig að ég mun bruna í bæinn og pakka og bruna svo austur. Nóg að gera og nóg af bensíneyðslu.

Jæja ætla að fara að þrífa.

vikan

get ekki bloggað!

vikan

Ég veit að ég hef ekki skrifað neina færslu lengi og er það vegna þess að ég hef verið svo svakalega upptekin.

Síðasta vika:

Föstudagur:
Við Svansí brunuðum austur og leigðum bústað. Héldum svaka partý og var dansað og sungið dátt, vorum við að fagna því að 22 ára aldursár okkar var að byrja. Fullt af góðu liði kíkti til okkar en flestir fóru þó heim í sín eigin rúm um nóttina en aðrir, þ.e.a.s. Hlynur, Begga, Fanney og Dóri gistu hjá okkur. Við yfirsuðum okkur auðvitað í pottinum og svo skriðum við rúsínurnar í sturtu og tókum til við að syngja hástöfum undir gítarleik Hlyns Hljómfagra, sem tók það ekki í mál að fólk tæki upp á því að leggja sig í miðjum söng og sló það verulega fast með söngbókinni sinni, sem hann bjó til og kom með.

Laugardagur:
Vaknað, allir skelþunnir og svangir en enginn nennti að kveikja á grillinu. Átum snakk í morgunmat og hádegisverð. Seinnipartinn var svo dýrindis kaffihlaðborð, enda erum við þekktar fyrir all-svakalegan myndaskap við prinsessurnar. Óla & Co komu í heimsókn og gæddu sér á kræsingunum og komu færandi hendi, með afmælisgjafir og marengstertu. Takk fyrir okkur Óla, Hjalli og Stína. Þar sem við vorum frekar þreyttar eftir lítinn svefn nóttina áður vorum við því bara fegnar að gestir kvöldsins afboðuðu sig vegna veikinda og þynnku. Svansí skreið uppá loft og sofnaði kl. 20:00 og vakti ég hana ekki fyrr en 14 klst seinna en þá lá hún í 2 klst í viðbót uppá lofti. Ég hins vegar hafði það bara gott, og þar sem ég gleymdi að taka með mér lesefni þá horfði ég bara á sjónvarpið en það var svo bara ágætt, lá í leti í sófanum , með sængina, hamborgara og kartöflusalat. Ferlega kósí.

Sunnudagur:
Fórum á Selfoss, versluðum 1 stk snjóbrettaúlpu, 2 pör VIKING gúmmítúttur, 1 stk nærbol og 2 stk kjúklingaborgara og franskar. Þrifum pottinn og skelltum okkur í hann í sól og blíðu en flúðum svo úr honum í heljarinnar hagl-éli. Skelltum okkur í bæinn eftir sjúklega góð þrif í bústaðinum.

Mánudagur:
Vinna, próf & snjóbretti í fjöllunum okkar bláu.

Þriðjudagur:
Vinna, Lærði undir próf

Miðvikudagur:
Veik, Lærði undir próf.

Fimmtudagur:
Vinna, próf og snjóbretti í fjöllunum okkar bláu, kom heil heim, freknótt og sæt.

Brjáluð en hressandi vika, mjög svo örvandi og gleðileg.
Ég vil bara þakka fyrir mig: ,, Takk fyrir mig´´

Do you want some garlic bread?

Ég var að elda fiskrétt í kvöld fyrir Dísu Lind og Kanakærastann hennar, hann var að koma frá Þýskalandi og kom með FULLT, FULLT af sælgæti handa mér! mmúúúúhahhahahahha, slúrp. Og svo þurfti ég að tala útlenskuna ensku. Það var fyndið. Ég er farin að ryðga rosalega enda langt síðan ég þurfti að tala ensku. Ég er eins og páfagaukur sem var að læra að tala. En ég hlýt að æfast eitthvað. Þau hafa samt verið rosaleg góð að gera ekki grín að mér. En ég held að ég myndi sjálf gera stólpagrín að mér ef ég væri klón og myndi heyra mig tala svona.

ÉG er annars búin að fá vinnu í sumar. Hætti á leikskólanum 1. júní og fer um svipað leiti í sumarfrí á sambýlinu og fer svo að vinna í sumardvöl á vegum styrktafélags lamaðra og fatlaðra fyrir austan. Svo bæ bæ bær. Eg vil út (úr bænum), í allt sumar.

Ojojoj

Grunur læðist að mér að lasin sé ég að verða!

úff púff

Sjálfspítandi-bensínsjálfsafgreiðslustöðva-sjálfssali

Ég uppgötvaði í morgunn að bíllinn minn væri næstum bensínlaus svo ég brunaði á næst, næstu bensínstöð og ætlaði að taka bensín. En viti menn, bensínsjálfsalinn gleypti kortið mitt!
Ég vissi ekkert hvaðan á mig stóð veðrið og ýtti á einhvern securitas takka og æltaði að fara að væla í einhverju securitas fólki um að kortið mitt væri bara horfið. Á meðan biðu tveir ungir menn, annar ákvað svo að prófa að setja kortið sitt í, enda kl. 7:55 og allir að verða seinir í vinnu. Og þá spýtir sjálfssalinn kortinu hans út úr sér langar leiðir og svo það lenti á rakri götunni og mitt fylgdi svo í kjölfarið.
Þannig redduðust hlutirnir í morgunn...en ég ætla ekki að taka bensín aftur svona á morgnanna í morgunnstressinu, frekar áður en ég fer í háttinn. Enda svaraði securitas fólkið ekki og þá hefði ég verið í djúpum...., engin inneign eða neitt!

Ég á afmæli í dag.

Í dag á ég afmæli. Það er gaman. Þegar maður á afmæli eru nefnilega allir svo góðir við mann, maður fær kossa og knúsa allstaðar. Ég fékk meira að segja kórónu á leikskólanum og er búin að ganga með hana á höfðinu stolt í allan dag. Í dag er ég nefnilega orðin 22 ára. Í mínum augum þýðir það að ég er full-orðin. Sumum finnst maður verða fullorðinn þegar maður er orðin 18 eða 20 en mér finnst það of ungt til að kalla fullorðin. Í dag varð ég fullorðin, og líka vinkona mín hún Súsanna Ósk. Samt ætti maður kannski frekar að segja að manneskja sem er 40 ára sé fullorðin en manneskja sem er 20 ára sé hálforðin. Það má deila kannski líka deila endalaust um það.

Afmælisdagurinn minn:
Vaknað kl. 7 og komin í vinnuna kl. 8:00, afmælismorgunnmaturinn minn var hafragrautur og hrökkbrauð með osti. ég skrapp svo úr vinnunni og tók eitt stykki próf í stæ 413, gekk bara vel, að ég held. Eftir vinnu fór ég í kaffiboð til mörtu frænku, en hún átti afmæli í gær og bauð´mér í köku. Svo skrapp ég í ríkið og Húsasmiðjuna að kaupa rauðvín og vöfflujárn og keyrði ömmu mína og afa heim til sín. Síðan skrapp ég í hina vinnuna mína í heimsókn og að lokum fór ég heim og hafði Svanhvít þá bakað handa mér köku með kertum og alles. Og svo hafði það rosalega kósí og gerði ekkert að viti.
Ég ætla svo vestur um helgina og ég ætla að eiga afmælishelgi, þ.e.a.s. ég ætla að eiga afmæli alla helgina og vera með kórónuna líka alla helgina.


Ohh munið þið eftir óþolandi afmælislaginu með Á móti sól?
,,ég á afmælí í dag, ég nenni ekki neinu....bla bla bla....´´

BWÚÚÚÚÚ, BWÚ-Ú BWÚÚÚÚÚÚÚ -ÚB.

Fólk með blásturshljóðfæri.....Alltaf jafn ánægjulegt þegar fólk tekur þá ákvörðun að læra á hljóðfæri. Sértaklega þegar það er einhverskonar blásturshljóðfæri og fólkið býr í blokk.


Ég hef ákveðið að þykjast vera prinsessa. Ég keypti mér prinsessuhiminn yfir rúmið mitt og líður mér núna eins og prinsessu. Það versta er samt að ég er ekki alvöru prinsessa og þess vegna hefur prinsessu titillinn minn engan tilgang fyrir annað fólk...maður fær bara enginn völd yfir neinu eða neinum!

Klói says: Kókómjólk er best ísköld.

Í dag fékk ég mér kókómjólk. Ég drakk bara smá og skrapp svo út í um klukkustund. Þegar ég kom heim uppgötvaði ég að ég hafði gleymt að setja kókómjólkina inn í ísskáp. Ég skellti mjólkinni þá inn í frysti þar sem mig langaði svo mikið í kalda kókómjólk en svo kom Selma í krullingu og ég gleymdi kókómjólkinni minni í frystinum. Núna er hún frosin og ég er að bíða eftir að hún þiðni....hversu ömulegt er að eyða Laugardegi í að hugsa um eina kókómjólk. Mér leiðist að hanga heima. Ég vil fara út að gera eitthvað, en veit bara ekki hvað né með hverjum.
Nú auglýsi ég ´hér með eftir einhverjum voða skemmtilegum með voða skemmtilegar hugmyndir að skemmtilegum Laugardegi.

Og já alveg rétt...ætti kannski að koma með skýringu á því afhverju ég er að skrifa þetta blogg...ég ætla nefnilega að reyna að fara að blogga aftur reglulega. ÉG komst nefilega að því að amk. 5 manns lesa bloggið mitt. Húrra fyrir mér. Og þakka ykkur fimm fræknu fyrir að kíkja á mitt fábrotna blogg og í framtíðinni ætla ég að reyna að hafa þau ekki svona ógeðslega leiðileg eins og undanfarið.

Ástarkveðja og knús.

Leikskóli, skósóli, í bóli á réttu róli

Jæja þá er ég byrjuð í nýrri vinnu sem er bara æðislegt nema hvað ég er ekki enn laus úr minni gömlu...á eftir að vinna uppsagnarfrestinn minn. Ég þarf því að fara á nokkrar næturvaktir í viðbót sem er bara ömulegt. Ég er nefnilega ekki að meika þessar næturvaktir lengur. En í gær byrjaði ég í hinni vinnunni minni sem er s.s. á leikskóla og er bara rosalega gaman að vinna þar, allavegana miðað við fyrstu kynni af starfinu og starfsfólkinu. Svo er bara svo æðislegt að vakna en ekki fara að sofa á morgnanna. Ég tími samt ekki að hætta í hinni vinnunni og verð því á einhverjum kvöld- og helgarvöktum. Það skondna við þetta allt saman er að ég er að vinna með gömlu fóstrunni minni af Fellaborg og það er líka önnur stelpa sem var með mér á Fellaborg sem er að vinna þarna! Alveg hreint magnað.

Úfff...

Eurovision 2006

Þessi samantekt er ekki tiltæk. Smelltu hér til að skoða færsluna.

Náæta?

Í morgunn fletti ég Leikbæjarblaðinu en nú er öskudagurinn hinn aldræmdi að fara að nálgast og byrjað er að auglýsa búninga villt og galið. Þetta árið er þó hægt að kaupa fullorðins búninga. Það sem vakti þó athygli mína er að ef ég vil, þá get ég keypt náætu búning, og hvernig ætli náæta líti út? Jú hún er svört vera í þröngum fjólubláum kufli. Ég hvet ykkur eindregið að glugga í þennan skemmtilega bækling og líta náætuna augum. Svo eru alveg einstaklega skemmtilegar hárkollur í miklu úrvali þarna.

Það er alveg ótrúlegt hvað maður getur látið fara í taugarnar á sér.
Ég til dæmis horfi á sjónvarp og þá sérstaklega núna þegar ég er veik og læt ég ýmislegt fara í taugarnar á mér í því.
T.d. Pulsuauglýsingarnar! Kommon...pulsa sig saman, pulsa sig niður? Á þetta að vera fyndið og ef svo er finnst fólki þetta fyndið? Er ég þá kannski svona húmorslaus. En kannski á þetta ekki að vera fyndið heldur eitthvað annað sem ég skil heldur ekki.

Það sem fer líka í taugarnar á mér í sjónvarpi er:
Splash tv. sérstaklega partýin þeirra.
Logi Bergman Eiðsson
Þegar Vala Matt segir ,,krakkar´´ við fullorðið fólk.
Myndbönd þar sem konur hrista sig eins og titrarar
Þak yfir höfuðið
Party 101, alveg ótrúlega sorglegt.
Íþróttir
Survivor, er ekki komið nóg af survivor seríum?

Og örrugglega margt fleira.
Ég þyrfti bara að hætta að horfa á sjónvarp.

oohhh. Mikið rosalega er leiðilegt að vera veikur og það í frí-vikunni sinni með fullt af verkefnum sem bíða manns.

Ætla að fara að hella í mig fjallagrösum.

Æ mig auman

Ég er með flensu. Og ekki nóg með það þá er Svanhvít líka með flensu. Sem þýðir að við erum báðar að mygla hérna og enginn til að hugsa um okkur og sjá um heimilisverkin og fúa fyrir okkur.

Hjálp.

p.s. okkur vantar líka panodil hot.

Draumalíf

Mig er farið að dreyma stórstjörnur aðra hverja nótt. Í þessari viku dreymdi mig tvo stórstjörnudrauma.
Draumur 1: Ég var á bílastæðinu hjá Ikea í bílnum mínum sem leit út eins og strætóskýli. Svo kom Jude Law inn í bílinn minn og kyssti mig en hann var í framboði fyrir eitthvað hérna á íslandi og var að fara að halda blaðamannafund fyrir framan Bónus. En hann Jude kyssti hörmulega og það eina sem ég hugsaði var aha... hann kann bara að kyssa bíómyndakossa! (?)
Svo vaknaði ég.

Draumur 2: ég var í London með fjölskyldunni minni og var inní leikfangabúð sem einnig var lítill matsölustaður. Inn í búðina gengu svo David Bowie með konunni sinni og barni og Mick Jagger (veit ekkert hvernig þetta nafn er skrifað). Ástæðan fyrir því að Mick fékk að fara með þeim í bæinn var að konan hans var að skilja við hann og hann var svo einmanna og sorgmæddur. Þeim fannst svo María litla frænka svo mikið krúttíbolla að þau fóru að gera svona gúddí gúddí við hana og svo spjölluðum við öll og ákváðum að borða saman. Svo fór ég að passa barnið hans David Bowie því hann átti hundleiðilega og óþroskaða barnfóstru en það sem kom mér mest á óvart var hversu ógeðslega ljótt hús hann átti. Það var meira að segja svona málningaflögugólf þarna, hreinn vibbi.

Gáta!

Always knew
I was everyone´s best friend
.......a bit of a HANDFULL
............ a real SOFT TOUCH
But also a STRONG
sturdy little fellow!

---Þetta er texti sem ég hef verið að lesa aftur og aftur. Hvaða texti ætli þetta sé??? Veit það einhver?---

Kítlerí

Ég var kítluð af henni Súsönnu. Jæja Súsanna hérna færð þú og fleira gott fólk glás af persónulegum upplýsingum um mig.

Sjö hlutir sem ég ætla að gera áður en ég dey.
1) Dvelja í Findhorn á Skotlandi í a.m.k. 2-5 vikur. (Lesið Celestine handritið)
2) Búa á Spáni.
3) Eignast 3 börn og jafnvel gifta mig.
4) Deita Skota.
5) Búa úti á landi, einhverstaðar í rassgati.
6) Læra rússnesku
7) Synda sjósund nakin. (T.d. á Gróttu.)

Sjö hlutir sem ég get gert.
1) Talað Spænsku
2) Innbyrgt endalaust af Jöklasalati.
3) Eldað góða fiskrétti.
4) Keypt endalaust mikið af sokkum og nærbuxum
5) Hengt upp gardínur alveg sjálf.
6) Gubbað þegar ég sé ógeðslegar tær.
7) Gert endalaust grín af fitness fólki.



Hlutir sem ég get ekki gert.
1) Verið á næturvöktum ævilangt
2) Farið í splitt.
3) Farið í flugvél án þess að hugsa um það hvernig það verður þegar flugvélin hrapar.
4) Borðað ananas
5) Munað eftir að vökva blómin
6) Sett upp þennan helv#%$ ráder!
7) Eitt heilu ári á Íslandi í einu.


Sjö hlutir sem heilla mig við hitt kynið.
1) Sjálfsöryggi.
2) Fyndni.
3) Augu
4) Metnaður
5) Flottur rass
6) Opin fyrir öllu
7) Ævintýragirni.


Sjö staðir sem mig langar á.
1) Findhorn í Skotlandi
2) Allir staðir á Íslandi
3) Grænland
4) Pýramýdar í Egyptalandi.
5) Sveitir Japans.
6) Nýja Sjáland
7) Aþenu


Sjö setningar sem ég segi oft.
1) Veistu hvað mig dreymdi?
2) Ég er svöng
3) Mig langar í eitthvað að éta
4) Ohh mig langar í súkkulaði
5) Eigum við að fá okkur hamborgaratilboð?
6) Þarf að keba
7) Ohh hvar er....ég týni öllu!



Sjö hlutir sem ég sé núna.
1) Bertolli smjör
2) Tígristýrapennaveski
3) Jólaljós
4) Sérstaka strákellingu sem Svan bjó til er hún var lítil og er búin að hengja upp á vegg.
5) Súkkulaði jóladagatölin okkar Svan
6) Flatkökur og hangiálegg.
7) Ljótan gólfdúk.

Ætli maður verði ekki að kilta einhvern og dettur mér þá til hugar þá Viðar Jónsson, forsætisráðherra lýðveldisins Hafliða og Birgir Már Guðlaugsson, einn eigandi sólbaðsstofunnar Ibiza.

Ferðasaga 2

Ævintýraklúbburinn er orðinn vel virkur. Ævintýraferð nr.2 var farin í gær...alveg spontant. Samferðafólkið í þessari ferð voru: ÉG, Selma, Þórdís Nadia, Svanhvít, Helga og Jón Bjarni. Við ákváðum að skella okkur á jólahlaðborð og ball úti á landi. Nánar tiltekið á Selfossi og var ballið með góðvinum okkar Í Svörtum fötum og voru strákarnir Í röndóttum bolum sem hituðu upp. En þar sem við ákváðum þetta svona seint þá var allt fullt á hlaðborðinu á Hótel Selfossi svo við skelltum okkur á Hótel Ingólf á Ingólfshvoli en þar reddaði góður maður okkur gistingu í sumarbústað þar rétt hjá. Eftir hlaðborðið fórum við upp í bústað að gera okkur til og skelltum okkur á ballið, þ.e.a.s ég, Svanhvít og Helga. Restin af liðinu kom rétt áður en ballið var búið. Geggjað gaman á ballinu, mikið dansað og mikið fjör. Eftir ballið fórum við bara heim að hanga og létum auðvitað renna í pottinn en það tók nú heila eilífð svo ég, Þórdís og Jón Bjarni sofnuðum bara og Svan og selma fóru í pottinn með skrítna gaurnum í hvítu hör-jakkafötunum sem keyrir stóra bíla.
Gaman að þessari ferð.

Endilega skráið ykkur í ævintýraklúbbinn. Klúbburinn fer reglulega í einhverjar skemmtilegar ævintýraferðir en varist að oft er enginn fyrirvari.

Ahhh...

Halló. Nú er fyrri hluti jólahreingerningar búinn. Síðari hluti verður þann 14.desember. Við Zwan vorum vaktar af Votta Jehova konum um klukkan 14 í dag, (var á nætó) og erum við búnar að standa hérna á haus í dag að þrífa og klára að skreyta, skelltum okkur svo á fataheildsölu og keypti ég mér góða og hlýja kápu sem ég er alveg sérlega ánægð með, einnig keyptum við okkur eins ódýrar buxur. Er heim kom eldaði ég dýrindis fiskrétt fyrir okkur og bauð Zwan upp á Ostadesert í eftirrétt. Ljúffengt. Núna er ég þreytt. Vorum að opna hvítvínsflösku og ætla ég að leggjast upp í sófa, undir Djúsí tepper, með hvítvín, súkkulaðirúsínur og After Eight og hafa það virkilega gott.

Ferðasaga

Já við Selma Salmonella skelltum okkur vestur á Snæfellsnes á sunnudaginn. Lögðum af stað úr Reykjavíkinni kl. 11 og rétt náðum í messu í Ólafsvík kl. 14:00 þar sem við sungum hástöfum með kórnum en aðrir í messuni voru of feimnir og til að syngja (sennilega ógnuðum við þeim bara með okkar einstöku englaröddum). Eftir messu skelltum við okkur með mömmu á jólabasar í Félagsheimilinu og gerðum þar góð kaup en við keyptum okkur húfur, vettlinga, ullarsokka, kökur og bauð mamman svo uppá heitt súkkulaði. Um kvöldið lágum við eins og steiktir kúrbítar í sófanum og sváfum yfir sjónvarpinu í brjáluðu veðri, risahagli og þrumum og eldingum til kl rúmlega 01 um nóttina.
Mánudagurinn var svo svakalegur letidagur. Við skelltum okkur uppí kirkju Ingjaldshólsprestakalls í brjáluðu veðri og skoðuðum hana í krók og kima og var Selma sannfærð um að hafa heyrt í draugsa inná wc, ég, ofurhugrökk skaust að ath. málið og var ekkert óvenjulegt í gangi þar. Við skoðuðum málverk og ljósmyndir og Selma æfði sig að ganga inn altarið. Þar næst fórum við í búðina Blómsturvelli. Versluðum reyndar ekkert þrátt fyrir mikið úrval þó við höfðum næstum verið búnar að kaupa okkur perlur og leir.
Á þriðjudeginum fengum við æðislegan hádegisverð í boði mömmu. Magnað salat með laxi og lúxus, lögðum svo af stað í bæinn, keyrðum í kringum Snæfellsjökul og fyrsta stopp var á Djúpalónssandi þar sem Selma reyndi við einhver Grettistök og náði sér í orkustein í minjagrip.
Næsta stopp var svo á Arnarstapa þar sem við sáum Bárð Snæfellsás og fengum okkur svo te og heitt súkkulaði með rjóma á kaffihúsinu þar. Svo var sungið eins og kvakandi svanir alla leiðina með pissustoppi í Borgarnesi.
Þetta var bara ansi notaleg ferð þó að ævintýrin hefðu þurft að bíða vegna veðurs en þau koma seinna.
ÉG segi nú bara takk fyrir mig gamla fólk í Ólafsvík, mamma, Selma og kona á kaffihúsi á Arnastapa. Þetta var yndisleg ferð.

P.S. ég vil nú taka það fram að við erum í ævintýraklúbb. Hver sá sem vill vera í klúbbnum þarf bara að láta vita, skrá sig. Skrítið fólk er líka velkomið að vera með. Næsta ferð er óákveðin og ræðst af vinnu og veðri. Samt er stefnt á Snjóbrettagamansferð ef að snjór fellur.

Í tilefni jóla

Í kvöld fékk ég að tala við slökkviliðsmann og slökkva eld. Þvílíkt ævintýri. Ég held ég hafi verið best af öllum sem með mér voru í að slökkva eldinn. Slökkti meira að segja 2 elda. En ég verð að viðurkenna að ég hafi reynslu. Já ég slökkti einu sinni eld sem var í flík sem manneskja var í. Ég reif manneskjuna úr flíkinni og stappaði á henni þar til slökknaði. Svo á ég það nú alveg til að kveikja á kertum og þá slekk ég líka á þeim. En hvað um það, slökkviliðskallinn setti olíu í eitthvað og kveikti í. Svo setti hann fyrir okkur vatn á eldinn og varð þvílík flugeldasýning...eins og fín kaka á gamlárs. Ég komst því að því að vatn á olíueld í vindi er stórhættulegur. Svo komst ég líka að því að ef ég ætla að kaupa slökkvitæki ætti ég að kaupa léttvatnstæki því það dyggði á allt og ef ég ætla að fá mér reykskynjara við eldhús þarf ég að kaupa optískan skynjara en jónískan inn í herbergin. Ykkur til fróðleiks er gott að nefna það að það tekur meðalherbergi 5 mínútur að verða al-elda og nær hitinn þar inni þá 800 gráðum! Askoti mikið en sígarettuglóð er 400 gráður. Svo er nokkuð sem heitir núllpunktur en fyrir ofan hann getur hitinn verið all-svakalegur en fyrir neðan mun minni, því á maður alltaf að vera næst gólfi (en það er líka vegna reyksins enda hættulegar gastegundir í honum) og einnig á maður að beygja sig er maður er að slökkva eldinn og beina skal slökkvidótinu að upptökum eldsins en tillit skal taka til vindáttar ef að maður er úti við.
Já ég man þetta held ég bara allt saman rétt. En þessar fróðlegu upplýsingar skal taka með fyrirvara um villu af minni hálfu.
Nú hvet ég bara alla til að kaupa sér slökkvitæki, reykskynjara og eldvarnarteppi af slökkviliðinu í Desember en þeir verða að selja þessi sniðugu örryggistæki í kringlunni.

Crazy tea!

Hver ætli sé byrjuð að selja Herbalife???
Jú það er ég.
Ákvað að prófa það..tapar engu og græðir!
Ég keypti mér te um daginn. Nánar tiltekið Herbalife hindberjate. Þetta er grænt te með koffeiní svo þetta er alger orkubomba! Ég var að koma af næturvakt... svaf 6 klst í gær og nú er klukkan orðin 12 á hádegi og ég er barasta ekkert þreytt...bara búin að vera í stuði...taka til í skápum og fleira í þeim dúr. Fyrsti viðskiptavinur minn var hún Súsanna. Hún keypti einnig Hindberjate og er búin að læra eins og geðskjúk hæna í allan gærdag=12 klst. og barasta ekkert þreytt er hún kom heim. Mæli með þessu fyrir næturvaktir og fólk í prófum. Og svo er þetta ekki vont eins og mér finnst allt annað te.
Jæja hef þetta ekki lengra í bili..ætla að halda áfram að taka allt í gegn...og kannski reyna að sofna.

SSR

Síðasliðinn Laugardag var árshátíð SSR á Básum í Ölfusi. Ég mætti auðvitað ásamt mínum æðislega starfsmannahópi og fengum við meira að segja verðlaun fyrir að vera með flest starfsfólk miðað við höfðatölu. Það vissum við reyndar fyrirfram og mættum með skilti sem á stóð 100% enda 100% lið þar á ferð. Verðlaunin gleymdust en við fengum kampavín og ber á meðan...við erum ekki viss hver hin verðlaunin eru...sagt hefur verið að það sé glerskór. Ég er ekki alveg viss um hvað við eigum að gera við hann? Eftir að við borðuðum æðislegan mat byrjaði hljómsveitin Veðurguðirnir að spila...brilliant hljómsveit alveg! Og dönsuðum við eins og óðir apakettir allt kvöldið og fram á nótt...eða þar til rútan fór í bæinn. Sumt fólk hefur áhyggjur af ölvun á skólaböllum en við lágum í hláturskasti yfir miðaldra konum sem voru gjörsamlega á eyrunum, veltandi um og dettandi. Ástarmál hjá fólki gengu misvel upp en þarna var fólk sem reyndi og reyndi án árangurs og aðrir sem voru á fullu fyrir framan alla og skelltu sér síðan inn á einn bás kvennaklósettsins. Ég held ég hafi sjaldan skemmt mér eins vel og þakka bara fyrir mig.

Link drink.

Jæja vinir mínir, (og kannski aðrir líka). Nú hefur hún Súsanna komið því í kring að hægt sé að hoppa frá minni síðu yfir á annarra manna síðu, þ.e. einhverra síðna sem ég hefi valið. Svakalega sniðugt þetta! HA! Vona að ég sé ekki að gleyma að setja einhvern þarna...endilega látið mig óhrædd vita! Enda meira en nóg pláss.

Þið ykkar sem hafið haft rosalega miklar áhyggjur af mér þar sem ég er lasin vil ég þakka fyrir fallegar hugsanir.

En mér er held ég að batna. Ég er ekki með eins mikla hálsbólgu og er því farin að geta borðað án þess að grenja í leiðinni, en hálsbólgan er enn svolítil hægra megin og leiðir upp í eyrað og þegar það blæs í eyrað á mér eða kemur kalt á það þá langar mig til að öskra. Ég gekk því um með hallandi haus og putta í eyra í kælinum í Bónus í dag. Fólk horfði einkennilega á mig þar til litlu frænkur mínar spurðu:,, Alla hvað er eigilega að þér??´´ Er ég svaraði og fólkið í kring heyrði hvað amaði að mér varð það skilningsríkara og hætti að horfa á mig.

Maður má aldrei vera neitt öðruvísi í þessum heimi! So what að ég hafi verið soldið asnaleg, þarf fólk endilega að stara á mann? Mig langar að búa á eyðibýli, ein með fallegum gaur, nokkrum lömbum, 2 hundum og Vilhjálmi.

Ljúfa líf, ljúfa líf, du du dudu, burt á vængjum ég svíf, du du dudu...

Í dag er ég lasin. Mér finnst það ömulegt. ÉG er með mjög slæma hálsbólgu og vonda beinverki í þokkabót.

Kvennafrídagurinn

Í dag er ég nú svo aldeilis hlessa. Í dag á að vera KVENNAfrídagurinn en þegar ég fór að fletta blöðunum í morgunn sá ég hversu mörg fyrirtæki og stofnanir miskilja þennan dag. Eru kannski bara karlmenn þar við stjórnvöllinn?? Sum fyrirtæki loka hjá sér kl 14 í dag og auglýsa með heilsíðuauglýsingu að þau séu að sýna samstöðu í verki og ætli þess vegna að loka! Ég er kannski bara svona treg en ég er ekki að fatta hvernig það er að sýna samstöðu í verki að loka fyrirtækjum. Er það ekki til að auðvelda karlmönnum lífið þennan eina dag sem konur yfirgefa vinnustaði sína?
Það væri hægt að segja í auglýsingunni: ,, Vegna þess hversu ómissandi konur eru á vinnustaðnum okkar þá verðum við því miður að loka fyrir alla starfsemi eftir klukkan 14´´.
Mér finnst nefnilega mjög mikilvægt þegar verið er að sýna samstöðu að koma því á framfæri afhverju er verið að loka og eru þau fyrirtæki sem það gera eða eins og fyrirtæki eitt í miðbænum gerði en það baðst afsökunar á hversu lélega þjónustu það myndi veita án kvennana í dag, í raun að sýna samstöðu, annað ekki.
Og hvaða árátta er þetta að nota Kvennafrídaginn í að auglýsa fyrirtækin sín. Það fer eitthvað rosalega í mínar fínustu!...:,,Við ætlum að sýna samstöðu og gefum öllum konunum sem hjá okkur starfa blómvönd í tilefni dagsins´´ Ohh hvað þetta er góð búð, gefa blóm! En afhverju ekki bara að gefa þau...afhverju að auglýsa það? Ég myndi allavegana frekar vilja vera með jafn há laun og næsti karlmannsstarfsmaður heldur en að fá einn skitinn blómvönd!

Ég geri mér fulla grein fyrir því að þessi færsla sé ekki vel skrifuð og ætla ég að afsaka mig. 'EG var að koma af næturvakt og því vansofin og var hreinlega bara að drífa mig að skrifa.

Kvennafrídagurinn

Í dag er ég nú svo aldeilis hlessa. Í dag á að vera KVENNAfrídagurinn en þegar ég fór að fletta blöðunum í morgunn sá ég hversu mörg fyrirtæki og stofnanir miskilja þennan dag. Eru kannski bara karlmenn þar við stjórnvöllinn?? Sum fyrirtæki loka hjá sér kl 14 í dag og auglýsa með heilsíðuauglýsingu að þau séu að sýna samstöðu í verki og ætli þess vegna að loka! Ég er kannski bara svona treg en ég er ekki að fatta hvernig það er að sýna samstöðu í verki að loka fyrirtækjum. Er það ekki til að auðvelda karlmönnum lífið þennan eina dag sem konur yfirgefa vinnustaði sína?
Það væri hægt að segja í auglýsingunni: ,, Vegna þess hversu ómissandi konur eru á vinnustaðnum okkar þá verðum við því miður að loka fyrir alla starfsemi eftir klukkan 14´´.
Mér finnst nefnilega mjög mikilvægt þegar verið er að sýna samstöðu að koma því á framfæri afhverju er verið að loka og eru þau fyrirtæki sem það gera eða eins og fyrirtæki eitt í miðbænum gerði en það baðst afsökunar á hversu lélega þjónustu það myndi veita án kvennana í dag, í raun að sýna samstöðu, annað ekki.
Og hvaða árátta er þetta að nota Kvennafrídaginn í að auglýsa fyrirtækin sín. Það fer eitthvað rosalega í mínar fínustu!...:,,Við ætlum að sýna samstöðu og gefum öllum konunum sem hjá okkur starfa blómvönd í tilefni dagsins´´ Ohh hvað þetta er góð búð, gefa blóm! En afhverju ekki bara að gefa þau...afhverju að auglýsa það? Ég myndi allavegana frekar vilja vera með jafn há laun og næsti karlmannsstarfsmaður heldur en að fá einn skitinn blómvönd!

Ég geri mér fulla grein fyrir því að þetta sé ekki vel skrifuð færsla, ég ætla því að afsaka mig, Ég var að koma af næturvakt og var að drífa mig svo að ég gæti farið að sofa.

Ariel power.

Ég var að uppgötva Ariel þvottaefnið. Ég hef alltaf keypt Neutral en það kemur engin þvottaefnalykt af því. Ég elska þvottaefnalykt. Núna angar herbergið mitt af Ariel ferskleykalykt og mér finnst gott að fara að sofa á kvöldin/morgnanna í Arielangandi rúmfötum og klæða mig svo í Ariel angandi föt, ég hef nú formlega skipt um þvottefni.


Mig langar í sumarbústað. Er ég ein um það?

O.M.G.

God ég var að uppgötva dolítið hryllilegt áðan. :( O.M.G. Þið vitið, skiljiði, að þegar ég var að horfa á Ástarfleygið, sem að ég átti að fara í, var boðuð í viðtal og soleiðis, áðan þá fattaði ég að ég hefði aldrei gert neitt flippað (alvöru flippað) ég er 21 árs og pretty safe, var að telja upp alskonar fyrir svanhvíti en ekkert telst sem flippað. Ég var að horfa á House áðan því dr.House er svo sexí :), sérstaklega þegar hann talar með breskum hreim! O.M.G. ég er svo mikil stelpa!

P.s. ég elska fyrirmynd mína að þessari færslu. Þú veist hver þú ert, þú ert æðisleg manneskja...kossar og knús. :)

Ertu með frunsu?

Hvernig tilfinning ætli það sé þegar maður ætlar að opna frystinn til að ath. Hvað sé til því maður er afskaplega hungraður en í staðinn fyrir saklaust stutt innlit í kuldakassann fyrir ofan hinn eiginlega ísskáp opnar maður með krafti ( og kannski svolítilli græðgi ) hurðina beint í andlitið á sér, nánar tiltekið á efri vör.

Já hvernig ætli sú tilfinning sé?
Svar: Manni bregður óskaplega mikið. Hugsanir eins og ,, hvernig fór ég eigilega að þessu? – Klunni!’’ – og ,,ég ætla aldre að verða kýld’’
Skjótast eins og eldingar á yfirborðið. Svo grípur maður um munninn með báðum höndum, heldur í sér andanum og byrjar að ganga frá frystinum og um leið blotna augun án þess þó að maður sé í raun að gráta. Þegar maður hefur svo kjark til að taka hendurnar frá munninum er eins og litlir álfar með teygjubyssu séu sífellt að skjóta mann í vörina, vont er að tala og maður er enn svangur og pínir sig til að borða samloku en við hvern bita skjóta litlu álfarnir á mann. Næsta stig sársaukans er eins og einhver hafi sett þvottaklemmu á vörina, sársaukafullur þrýstingur.

Eftirköst: Maður kíkir í spegil og sér að maður er með ljótan dökkrauðan díl á vörinni sem lítur út eins og fruna, seinna fær hann svo fjólubláan blæ.
Já alveg frábært og maður sem hefur aldrei fengið frunsu fær nú gervifrunsu.
Meira en hálfum sólahring eftir höggið er maður enn dofinn.


Þessi ósköp gerðust fyrir mig á sunnudagskvöld. Ég vorkenndi mér rosalega, þó er ég nokkuð viss um að enginn annar myndi gera það.
Ég hef oft íhugað að prufa að æfa box. Ég er hætt við. Ef það er eins að vera kýldur í andlitið og að fá frystihurð í það þá þori ég því einfaldlega ekki.

Núna er komin miðvikudagur. Mér er enn illt í vörinni en er hætt að vorkenna mér. Ég vorkenni frekar Svanhvíti þar sem hún hlustaði á sjálfsvorkunina í mér í 2 daga, nánast án þess að kvarta yfir henni. Svona er hún góð vinkona.

DO NOT SVALLÓ!

Þá er ég komin heim frá Spáníá þar sem ég pissaði í fötu í viku...merkilegt. Ekki margir sem fara til Spánar og fara aftur í tíman, en það var bara spes...bara gaman að þessu.
En ég þurfti ekki að hanga á flugvellinum þar sem hann Biggi var svo yndislegur að keyra mig, fór meira að segja úr vinnuni til þess! Og svo var ég líka sótt! Heiða var svo góð að sækja mig. Yndislegt því ég hef ekkert alltof gaman af því að fara í rútur.
Þakka ykkur æðislega fyrir elskurnar!

Þá er Svan flutt inn. Stórfínt. Hún var tilbúin með nýbakaða köku handa mér er ég kom heim...yndislegt allveg. Við fórum svo í Rúmfó (sorrý Hlynur) og keypum okkur Djúsítepper, Míkrófíperpútsís og gardarínur sem snillingurinn ég setti sjálf upp! Tók mig reyndar 1 1/2 klst að hengja fyrstu upp því það voru engar leiðbeiningar og gallaðar skrúfur. En svo skellti ég mér bara í fína verkfærakassann minn og náði í skrúfur sem voru ekki úr hálfgerðu tini og hengdi þær svo glæsilega kolvitlaust upp. (átti ekki bor)laga þær bara seinna, virka í bili.
En nú búum við svo vel að eiga góðan (virkilega góðan) bar, fullan af áfengi og gardínur auk ofangreindra ómissandi Djúsítepper. Svo hérna er bara eintóm gleði með glas í hönd og kúrsness með Míkrófíberpútsís og Djúsítepper.

Ykkur er velkomið að kíkja í heimsókn. Ef þið viljið fá heimsóknarmeðmæli hafið þá samb. við Hlyn. Svo fær fólk líka lukkupakka heim með sér ef það er skemmtilegt.

Spáníá!

Ég er að fara til Spánar í dag. ÉG var að koma af næturvakt og ætla að reyna að vaka þar til í flugvélinni svo ég sofi bara alla leiðina. ÉG vona að það takist. Get samt sennilega ekki reddað mér fari upp á flugvöll svo ég þarf að taka flugrútuna og hanga í henni í klst og bíða svo uppá velli í 2 1/2 tíma! Asnalegt. Það er ekkert gaman að hanga upp á flugvelli og gera ekki neitt nema að horfa á alla klikkuðu Íslendingana sem eru að fríka út í fríhöfninni með öll sín krem, ilmvötn, geislaspilara og myndavélar af því allt er svo ,,ódýrt´´ í fríhöfninni.
Ég vona að ég fái far svo ég þurfi ekki að hanga þarna alein og yfirgefin í svo óralangan tíma.
En ég hlakka til að lenda í Barcelona og hitta familíuna mína, en það verður því miður ekki fyrr en seint í nótt því ég lendi ekki fyrr en um kl 00:30 og á þá eftir að koma mér til þeirra.

Jæja ég vona bara að þið hafið það gott á klakanum elskurnar mínar, ég er farin á stað þar sem hitastigið er nokkuð hærra en hér.

May.

Ég var að horfa á ógeðslega mynd í nótt. Myndin var um einhverja geðveika stelpu sem vann á dýraspítala og átti virkilega ógeðslega dúkku í glerkassa sem var besta vinkona hennar. Hún fékk líka áhuga fyrir ákveðnum líkamshlutum á fólki. Hún varð t.d. ástfangin af strák því henni fannst hendurnar á honum svo fallegar. Svo var hún að vinna með lesbíu sem var víst með einkar fallegan háls og kærasta hennar var með fallegar lappir. Þegar svo fullt af blindum krökkum brutu glerkassa ógeðslegu dúkkunnar og brutu dúkkuna í hluta þá ákvað geðveika stelpan að búa sér til nýjan besta vin. Sem sagt úr líkamspörtum fólksins sem hún þekkti! Og það gerði hún. Hún drap alla og bútaði niður og saumaði saman! Og ekki nóg með það þá vantaði nýja vini hennar augu svo hann/hún gæti séð hana og tók hún þá bara annað augað úr sér !
Þetta er sjúk mynd. Ég sé eftir að hafa horft á hana. En þannig er það nú með myndirnar á stöð2 bíó að það stendur ekkert um myndirnar. Og maður verður bara að horfa á þær til að komast að því um hvað þær eru! Og svo eru líka alltof mikið af hryllings og drama myndum á næturnar á þessari stöð! Eiginlega ekkert annað. Það er fúlt því það getur verið óhugnalegt að sitja ein á næturvöktum og horfa á svona ógeðslegar myndir.
Ég vona að þeir fari að sýna léttari myndir bráðlega.

blogg

Ég skrifaði fullt áðan... það datt svo út, það er mjög pirrandi. Reyni aftur seinna.

Ég sit hérna við eldhúsborðið og er að gæða mér á nýbökuðum snúðum og bollum. mmmmmm....

Ég fékk símtal áðan. Það var kona sem sagði mér að þau vildu endilega hitta mig á mánudagskvöld vegna ástarfleygsins?!?! Ég hváði bara og sagðist aldrei hafa sent inn umsókn og hafi engann áhuga á að taka þátt í þessum þætti. Hún varð mjög svekkt. Sagði að þeim væri farið að hlakka til að hitta mig á fim og spurði hvort ég vildi örrugglega ekki taka þátt.
Ég sagði nei og aftur nei. Mig grunar nú hver hafi sent inn umsóknina en endilega ef einhver er með vísbendingu um hver gerði það, vinsamlega nýtið ykkur kommentakerfið mitt en það er mjög lítið/ekkert notað.

Ég var líka skráði í Djúpulaugina í vor. Þar mun Þórdís nokkur Nadia hafa verið á ferð.

En út í aðra sálma.
Í gær fór ég í Góða Hirðinn að leita mér að sófaborði.
Þar sá ég konu sem keypti dúkku. Mér fannst það ógeðslegt, Stellu fannst það líka. Í fyrsta lagi þá voru dúkkurnar í gamla daga ógeðslegar. Þær voru með geðveikisleg augu sem blikkuðu og ógeðslegt krullað hár úr skrítnu og ógeðslegu efni. Og í öðru lagi tel ég ekki sniðugt að gefa barni ógeðslega ,gamla, fatalausa, notaða dúkku sem getur verið full af bakteríum og öðrum ógeðslegum örverum.
En ég fann því miður ekki það sem ég leitaði að í góða hirðinum en þar voru fullt af flottum sófum. Ég hvet alla til að gefa gamla hluti í góða hirðinn því það er greinilegt að það sem okkur finnst ljótt og gamalt og ógeðslegt(eins og dúkkan) finnst öðrum frábært dótarí á gjafaverði.

Frík

Ég er komin vestur í rólegheitin, hreint alveg yndislegt. Missi þó af innflutningspartýi hjá Þórdísi. (Sorry Nadia mín). Á leiðinni vestur kom ég við í Bónus í Borgarnesi enda er alltaf gott að kaupa sér eitthvað gotterí á svona ferðalögum. Það sem vakti undrun mína var hversu mikið af stórfurðulegu liði var þarna inní Bónus. Allar tegundir fólki og öll þjóðerni og svona obbóslega skrítið fólk. Ég vissi ekki hvort ég ætti að hlæja eða gráta. Þetta var samt allt fólk sem hefur tekið þá ákvörðun, meðvitað eða ómeðvitað um að vera skrítið. Ó og þvílík læti voru í unglingstúlkufurðuverunum, grettandi sig og baðandi höndum í allar áttir æpandi! Mér leið ekki vel þann stutta tíma sem ég eyddi þarna inni, svona óútskýranlega furðulegar og óþægilegar aðstæður er ekki eitthvað sem ég var að ,,höndla'' svona allavegana ekki í dag.

Ég hef ekki enn athugað hvort það sé fullt tungl í dag. Það gæti vissulega útskýrt margt.
Vona bara að mig dreymi ekki þetta lið í nótt....!

Spánarferð í október.

Jæja hvað ætli ég hafi verið að gera rétt í þessu?
Jú ég var að panta mér ferð til Spánar. Ég fer í Klakafrí í 6 daga. Flýg héðan frá ískalda Íslandi eftir næturvakt þann 3.október!

Það versta er samt að ég er sjúklega flughrædd og á því svolítið mikið erfitt með að fljúga eftir öll þessi flugslys undanfarið. Svo bætir það ekki úr skák að það eru þrumur og eldingar á hverri nóttu í Barcelona núna og ég lendi um Miðnætti. Vona bara að þessar eldingar fari að taka sér hlé.

En nú er ég bara á næturvöktum. Sem þýðir náttúrulega meiri peningur,en ég þarfnast hans þó nokkuð. Vaktirnar eru líka mjög hentugar þar sem ég vinn í viku og er svo í fríi í viku og svo er ég líka núna í 100% starfi í stað 87%.

Eninga meninga ég fæ bráðum meiri peninga.

Mr.Bishop?

Nú er ég byrjuð í skólanum. Hef reyndar aðeins mætt í 1 tíma því ég er á næturvöktum þessa vikuna. Ég hef hingað til aðeins sofið að meðaltali 4 1/2 tíma á sólahring og er ógeðslega þreytt. Það er bara svo mikið að gera að ég hef engan tíma til að sofa. Ég var að koma af næturvakt um daginn og stoppaði á rauðu ljósi og eins og svo oft lítur maður til hliðar til að skoða fólkið í bílnum við hliðiná sér. Mér brá þá nokkuð í brún því ég hélt ég hefði séð Harold í nágrönnum á gömlum bíl á Nýbílaveginum. Maðurinn hefur haldið að ég væri eitthvað skrítin því ég stóð mig að því að stara á hann. Ég er ekki vön að stara á fólk. En eftir að vera búin glápa svolitla stund á gamla manninn komst ég að þeirri niðurstöðu að þetta væri ekki Harold. Ég hugsaði þá hvort ég ætti að segja manninum að hann gæti kannski verið aukaleikari fyrir Harold en þá kom grænt ljós og við rukum af stað.
Ég fór í Griffil um daginn og ætlaði að kaupa mér skrúfblýant og varð nokkuð hneygsluð á verðinu á þeim. Flestir kostuðu um 400-600 kr en einn kostaði 849 kr. Mér fannst þeir allir líta eins út. Ég fann svo einn sem kostaði 119 kr og er þetta fínasti blýantur. Ég hefði sem sagt geta keypt 7, 13 blýanta af þeirri tegund sem ég keypti fyrir 1 af dýrustu tegund.
Ég er búin að prófa blýantinn og er hann alveg mjög góður. Látið því ekki blekkjast...ekki hugsa: ,,þessi skrúfblýantur er svona dýr hann hlýtur þá að vera lang lang bestur´´ það er bara rugl.

Malbik eða mosi?

Þá er maður komin heim. Þetta var æðisleg ferð í alla staði.
Keyrðum í Norðurfjörð (á verstfjörðum) og beið okkur þá bátur þar sem við tókum í Reykjafjörð en þar dvöldum við í viku. Við dunduðum okkur við fjallgöngur og aðrar skemmtilegar gönguferðir, sund en laugin var soldið of heit enda hituð upp með hveravatni svo ekki var hægt að synda í henni, tíndum Fjallagrös og Vallhumal og kveiktum einu sinni bál og sungum dátt við það. Það var alveg yndislegt að vera þarna í rafmagnsleysinu með lélegt klósett svo við þurftum að hlaupa sem ofast smá spöl niður á önnur klósett sem stödd voru úti í kofa einum og við vorum með Drangjökull alltaf í augnsýn nema þegar það var þoka. En það kom einmitt þoka daginn sem við ætluðum að ganga að jöklinum, áttum bara um 30 mín gang eftir að jöklinum er við snérum við út af henni. Við vorum ekkert sérlega heppin með veður en þrátt fyrir það þá vildi ég ekki koma aftur heim. Ég hefði ekkert á móti því að geta eitt einhverjum mánuðum á svona stað. Vika er ekki nóg.
Á leiðinni heim í bátnum komun við við á bænum sem afi ólst upp á og fengum við að skoða húsið sem hann bjó í og rúmin voru meira segja þau sömu þar! Þetta var því ógleymanleg ferð í alla staði og er ég staðráðin í því að fara þangað aftur sem fyrst.

Þetta hefur sem sagt verið ógleymanlegt sumar, er búin að fara til Skotlands, Spánar og á Vestfirði. Og ef að farið verður að ganga Laugaveginn í gönguáfanganum í Fb þá ætla ég sennilega að gera það. En því fleiri þeim mun skemmtilegra svo þið sem eruð að fara í fb endilega skellið ykkur með. Og já þið sem spyrjið ég er að fara aftur í fb. vantar fleiri einingar í raungreinum.

Nú fer ég að halda norður á leið!

Jæja ég mun nú taka smá frí á netinu og frá nútíma lífinu í um viku tíma því ég er að fara vestur á Hornstrandir með elskulegri fjölskyldu minni. Veit ekki hvort að það sé símsamband þarna. En ég veit að það er lítið sveitasundlaug svo ég verð þar sennileg allan tíman og í gönguferðum.
EKker smá drasl sem þarf að pakka fyrir svona ferð! skó, auka skó, inni skó, regnföt, úlpu, húfu, vettling, sokka, sjampó, buxur, auka buxur, sundföt, peysur, boli og auka peysur og boli. Einnig hvítvín og eitthvað skemmtilegt að lesa, ég tek El principito og Íslandseldar.
Mig hlakkar til. ÉG get ekki beðið! Er búin að redda barnapössun fyrir Vilhjálm og allt klárt svo ég er farin hálfa leið.
Sjáumst.

Hvað er að þessum heimi? Það virðist vera hægt að finna endalaus sorgleg dæmi um saklaust fólk sem beitt er hrottalegu óréttlæti!


http://www.beirut.indymedia.org/ar/2005/07/2999.shtml

LESIÐ.

Æxli?!

Þegar ég fer til útlanda er ég vön að ganga mikið enda versla ég og skoða mikið, eðlilega. Ég lenti þó í því í Spánarferðinni minni að eitthvað kom fyrir hælanna á mér. ÉG hef sennilega fengið beinhimnubólgu eða eitthvað álíka. Ég kom svo heim og kíkti til læknis og sagði hún: ,, Þetta getur eigilega ekki verið æxli því þetta er í báðum fótum!´´ Ég var ánægð að heyra það þó svo mér hafði aldrei dottið þetta í hug að ég gæti verið með æxli í hælunum. En bólgan er ekki enn farin og má ég lítið sem ekkert ganga, sem gengur eigilega ekki því ég er bíllaus með strætóbölvun, ekkert hlaupahjól og finn ekki lykilinn af hjólinu mínu. Já ég er nú ekkert svakalega hress með þetta ástand mitt og ofan á þetta hælavesen þá fékk ég sýkingu í augun líka! mmmmm.....gaman.
Jæja nú er ég búin að vorkenna mér og kvarta nóg. Heyrumst elskurnar.